نانسي عجرم ببوسعـــادة

هههههه الذيابة تلفولنا الهدرة ... اليوم قالك جاينة المهرج ولازم ( 50 دج ) ايه خمسة الاف باش نتفرج في التهريج ... ايا قلنا اذا كان في كل قسم ما يقارب الاربعين وفي كل مدرسة كان ما يقارب الثماني اقسام وديروا انتم لحساب ...!!
مع العلم ان المهرج هذا رايح ايزور على الاقل خمس او ست مدارس ابتدائية يوميا ( نص ساعة وعقب ) ...الى هو اكيد المهرج لعشية ميوليش مهرج ايولي ( كالكة ) ..!
يا ذيابة الذراري هاذوا كامل دايرين ملفات انتاع الاعانة ( 300) شعب زوالي ...
يا الاتحادية الولائية للاعمال المكملة للمدرسة انتاع الولاية وش قاعدة اتديري اذاكان المهرج ايروح على 10 ملاين ...
يا فيديرالية جمعية اولياء التلاميذ الشئ هاذا اكيد راه عاجبكم واتجوا تضحكوا مع المهرج .. واذا كانت المدرسة تابعة للبلدية وين راهي لجنة الحفلات والدراهم انتاعها اذا مراحوش مع اولادنا في الصغر وين راهم ايروحوا ..
ابعيد على كل هذا وين راهي الجمعيات الى اتقول راني مع الثقافة ونخدم كاشي على الطفل ..وين راكم وين راهي الانشطة انتاعكم
..الذيابة كثروا ومنعرف وين راهي رايحة اتروح ...
الاتحادية الولائية للاعمال المكملة للمدارس ..فيديرالية جمعية اولياء التلاميذ ..لجنة الثقافة ...والجمعيات الثقافية راكم كامل هابطين قبل نهاية الموسم الدراسي